விவாகரத்து! ’’எனக்கே தெரியாது’’ Jayam Ravi Wife Aarti Angry Reply | Jayam Ravi | Aarti Ravi

நடிகர் ஜெயம் ரவி சமீபத்தில் தனது மனைவி ஆர்த்தியுடன் பிரிவை அறிவித்தார். இந்த அறிவிப்பு முழுக்க முழுக்க என் அறிவோ அல்லது சம்மதமோ இல்லாமல் வெளியானது என்பதை தெளிவுபடுத்த விரும்புகிறேன். கடந்த 18 வருடங்களாக பரஸ்பர நம்பிக்கை மற்றும் மரியாதையுடன் வாழ்ந்த வாழ்க்கை இந்த அறிவிப்பால் கௌரவம் மற்றும் தனித்தன்மையை இழந்துவிட்டதாக நான் உணர்கிறேன்.
 
என் கணவருடன் நேரடியாக பேச பல முயற்சிகள் செய்தேன், ஆனால் அதற்கான வாய்ப்பு எனக்கு மறுக்கப்பட்டது. சமீபத்தில் ஊடகங்களிலும் சமூக வலைதளங்களிலும் எங்கள் திருமண வாழ்க்கை குறித்து வெளியான அறிக்கையைப் பார்த்து நான் மிகவும் கவலையடைந்தேன். நானும் என் இரண்டு குழந்தைகளும் எதுவும் புரியாமல் தவித்து வருகிறோம்.
 
ஆழ்ந்த மன வேதனையில் இருந்தாலும், பொதுவெளியில் இது குறித்து கருத்து தெரிவிப்பதை தவிர்க்க விரும்புகிறேன். திருமண பந்தத்தில் இருந்து விலக வேண்டும் என்ற இந்த முடிவு முழுக்க முழுக்க அவருடைய சொந்த விருப்பத்தைச் சார்ந்தது, குடும்ப நலனுக்காக எடுக்கப்பட்ட முடிவு அல்ல.
 
மறுக்கப்படாத பொய்கள் காலப்போக்கில் உண்மையாக நம்பப்படும் என்பதால் இவற்றை மறுப்பதும் என் கடமையாகிறது. தற்போதைய நிலை என்னையும் என் குழந்தைகளையும் மிகவும் காயப்படுத்துகிறது. என் குழந்தைகளின் நலனும், எதிர்காலமும் எப்போதும் எனக்கு முக்கியம். ஆதாரமற்ற குற்றச்சாட்டுகள் அவர்களை காயப்படுத்துவதை நான் அனுமதிக்க மாட்டேன்.
 
தற்காலிக சோதனைகள் நாங்கள் சந்திக்க வேண்டியதாயினும், காலம் உண்மைகளை வெளிப்படுத்தும் என்பதில் நம்பிக்கை இருக்கிறது. இந்த கடினமான காலகட்டத்தில் என் குழந்தைகளுக்கு தேவைப்படும் தைரியத்தையும் மனோதிடத்தையும் அவர்களுடன் நின்று வழங்குவதே என் முக்கிய கடமை. என்னைத் தொடர்ந்து ஆதரித்து வரும் பத்திரிகையினரும், ரசிகர்களும் என் மனமார்ந்த நன்றியை பெற்றுள்ளார்கள்.
 
எங்கள் தனிப்பட்ட உணர்வுகளுக்கு மதிப்பளிக்குமாறு அனைவரிடமும் கேட்டுக்கொள்கிறேன் என அவர் அறிக்கை மூலம் தெரிவித்துள்ளார்.